කර්මය සහ බිය


ගොඩක් මිනිස්සු (මෝඩ මිනිස්සු ) කර්මය දකින්නෙ මහා ලොකු දර්ශනික විසඳාගත නොහැකි මායාකාරී දෙයක් විදියට. මේ සංකල්පය නිර්මානය කල අයගේ අරමුන  ගැන පොඩ්ඩක් හිතල බලන කොට පැහැදිලිවුන කාරනය තමයි, එදා අතීත හින්දු සමාජය තුල මිනිස්සු හික්මීම ඇති කරන්න, නරක වැඩ වලට බිය ඇතිකරන්න හින්දු දහම විසින් ගහපු ගැටය බව.

මෙතන මූලික වශයෙන් කරන්නෙ මිනිසාට පෙර කර්ම ඇතිබව සහ ඒවා පලදීම තුලින් යහපත්/ අයහපත් ප්‍රතිඵල ලැබෙන බවට මුසාවක් සමාජයේ පතුරවනව. ඊට පස්සෙ බිය උපදවාගත්තු මිනිස්සු තමන්ගේ ධර්මයට අනුගත වෙනව. ඊට පස්සෙ මොකද වෙන්නෙ , ඊට පස්සෙ තමයි වැඩේ තියෙන්නෙ; දැන් කර්මයට බිය ඇතිකර ගත්තු බැතිමත්තු ටික අර ධර්මානුකූල ජීවිතයක් ගතකරන්න ඕන පූජකයන් කියන විදියට. වතාවත් කරන්න ඕන පූජක පැලැන්තිය නඩත්තු කරන්න ඕන.
ඒ අතර පූජකයා නිකන් ඉන්නෙ නෑ වෙලාව කලාව බලල බැතිමතා තව තව බය කරනව: දැන් ඔබට පෙර කර්මය මෙහෙම බලපානව අරම බලපානව, ඒව අහෝසි වෙන්න මෙහෙම පූජා තියන්න අරම පූජා තියන්න කියල. ජයටම මර්කටින් කරන අයට බලය වැඩියි මිනිස්සුන්ට උපදෙස් දෙන්න. ඔන්න ඕකයි තත්වෙ.

ඒ විතරක් නෙවෙයි තව කල් යනකොට ඕකට තවත් කලාවන් එකතු උනා ජෝතිශ්‍යය වගේ. ඒගොල්ලොත් කියන්න ගත්ත කර්මය කියන්නෙ පුද්ගලයන්ට බල පාන දෙයක්, හිතකර අහිතකර ප්‍රතිඵල ලැබෙනව කියල. ඉතින් ලැබෙන්න තියන අහිතකර පලවිපාක වලින් ගැලවීමට හැකි ක්‍රම යෝජනා කරා. (බොරුවට තවත් බොරුවක්) ඉතින් ජෝතිශ්‍ය කාරයන්ටත් කල්ල මරේ උනේ කර්ම සංකල්පය නිසයි. මිනිස්සු රවට්ටල කර්මය අහෝසි කරන්න, වලක්වන්න ගතමනාව ගත්ත ඔවුන්.

මුලාව



අසරණ මිනිස්සු (මුලාවක සිටින මිනිස්සු ), තමන් පරිනාමය වූ සතෙක් නෙවෙයි අමුතු මෙව්ව එකක් උපතින් ගෙන ආ අමුතු මෙව්ව එකක් මැරෙන කොට ගෙනයනවාය කියා මුලාවී සිටින මිනිස්සු ගස් ,ගල් ,පිලිම, පන ඇති නැති දේ සරණ යති. වන්දනාමාන කරති. එක් එක් ආගම් වල පවතින මිත්‍යා කතා සරණ යති. ඒවා අදහති. පරම සත්‍ය එයම බව විස්වාස කරති,හත්පොලේ දිවුරති. එයම සත්‍ය බව පෙන්නන්නට යාගහෝම කරති. පූජා පවත්වති. මිනිස්සු මුලාවී සිටින තරම කොතෙක්ද!!
මුලාව මාර්කට් කරන අයගේ මූලික පියවර භය/භක්තිය පැතිරවීමයි. ඉපදීමට බිය, මරනයට බිය, කලුවරට බිය, කොටින්ම ජීවත් වීමට බිය (ඇයි කර්මය තියනවනෙ මොහොමද එයින් ගැලවෙන්නෙ? ).
සරුවට මර්කටින් පාර ගෙනියන අයට හරියට සරුයි. සියලු සැප සම්පත්, යාන වාහන, ගේ දොර (ඒව ලැබෙන එක හොඳයි හැබැයි බොරු කියල මුලා කරල බෙලි මිරිකල ගන්න එක කැතයි )

කෙනෙක් කල කර්ම සියල්ලම නිවන් දැකීමත් සමඟ අහෝසි වෙනවද?


01. කෙනෙක් කල කර්ම: තැම්පත් වෙන කර්ම ගිනුම (ජෛන ආගමේ සංකල්පයක්. පසුව බුද්ධ ආගමේ උරුමක් බවට පත් උනා ) පට්ටපල් බොරුවක්. 
 
02. නිවන් දැකීම: නිවන් දැකපු කෙනෙකුත් නෑ. දකින කෙනෙකුත් නෑ. 

 
03. අහෝසි වෙනවද? : ආගමික වශයෙන් සම්ප්‍රදායක් නඩත්තු කරනව මේ කාරනය මුල් කරගෙන. නමුත් එහෙම දකින කෙනෙක් නැත. ඉතින් කාටද මේක බලපානේ. අහෝසි වෙන්නෙ නෑ. මොකද ගිනුමක් පවත්වාගෙන යන්නෙ නැති නිසා. හැබැයි ශිෂ්ඨ සම්පන්න නොවූ සමජ පාලනය වෙන්නෙ මේවගේ කතාන්තර ගොතල බියවැද්දීම තුලින්, අතීතයේ ඉඳලම. ඒක නිසා කර්මය නෑ කිව්වම මෝඩයෝ හිතන්නෙ දැන් අපිට නරක වැඩ කරන්න පුලුවන් හිතේ හැටියට කියල. නමුත් සමාජය ශිෂ්ඨ සම්පන්න වෙන්න ඕන එතනට නොයා ඉන්න.

ජෝතිෂ්‍ය අනාවැකි වල ඇත්තේ ඇත්තටම කුමක්ද?




ජෝතිෂ්‍ය කියන්නෙ අනුමාන කිරීම වල එකතුවක් කියන්නත් පුලුවන්. යමක් වෙයිද නොවෙයිද කියල ඇහුවම අනුමානය හරියන්න පුලුවන් 50% සම්භාවිතාවයකින්. ඉතින් හැමවිටම 50% නිරවද්‍යතාවක් එය සතුයි. හැබැයි ඊට වඩා නිවැරදිව අනාවැකි කියන්න පුලුවන් යම් පර්යේෂණ ක්‍රමයක් අනුගමනය කිරීම තුලින්. උදාහරනයක් විදියට අද මම වැස්සට තෙමෙයිද කියන අනාවැකිය කියන්න කාලගුන දෙපාර්තමේන්තවට ජෝතිෂ්‍ය වේදියාට වඩා වැඩි හැකියාවක් තියනව. ඔවුන්ගේ අනාවැකිය ජෝතිෂ්‍ය වේදියාගේ අනාවැකියට වඩා අනිවාර්යයෙන්ම නිවැරදි වෙනවා. මොකද ඔවුන් ඒක කියන්නෙ කාලගුන දත්ත සැබෑ ලෙස නිරීක්ෂණය කිරීමෙන්. හැබැයි මෙතමදි ජෝතිෂ්‍ය කරන්නේ 50% වාසිය ගැනීමක්. හැබැයි ඔය දෙන්නගෙම අනාවැකිය වරදින්න පුලුවන් මම කුඩයක් අරන් ගියොත්. දෙන්නම දන්නෙ වහිනවද කියන්න විතරයි. මම කුඩේ ගෙනියන බව දෙන්නම දන්නෙ නෑ.

මිත්‍යාවට එදා මෙදාතුර ගැසූ ලොකුම කනේ පහර 'PK'



'PK' සිනමා කෘතිය මම දකින්නේ එදා මෙදාතුර මිත්‍යාවට එරෙහිව නිර්මානය වූ විශාලතම නිර්මානය ලෙසයි. මිනිසා හෝමෝ සේපියන් සේපියන් සතා විදියට ඉපදී කරගෙන යන පෝෂනය කරන දේව සංකල්ප/ පුහු ආගමික සංකල්ප  ලෝකයට භාහිරින් සිට බලන කෙනෙකුට පේන ආකාරය මෙතරම් අපූරුවට නිරූපනය කරන සිනමා කෘතියක් මෙතෙක් බිහිවී නැති තරම්ය.

ලස්සනම කාරනය නම් ලෝකයේ වැඩිපුරම මිත්‍යා විස්වාස තිබෙන රට වන ඉන්දියාව තුලින්ම එයට විරුද්ධ මෙවැනි නිර්මාන බිහිවීමයි. මිනිස් චින්තනය දියුනු වන්නට වන්නට මිනිසාට යථාබෝධ ඥානය පහල වේගෙන එන බව නම් මින් පැහැදිලි වන කරුනයි.

මනසේ ඉතිහාසය


හිත, මනස කියන එක තමයි ලොකුම බොරුව. මනස/හිත/මම/ආත්මය වගේ නොයෙක් විදියට තමන්/අනුන් කියල කෙනෙක් ඉන්නවාය කියන බොරුව නඩත්තු කරන එක තමයි හෝමෝ සේපියන් සේපියන් සතා කරන ලොකුම බොරුව. පරිනාමයේදී අන් සතුන් අභිබවා ලැබුනු මොලය වර්ධනය හේතුවෙන් ආහාර දාම වල ඉහලින් වැජබෙමින් අන් සතුන් අභිබවා සීඝ්‍ර බෝවීමක් ඇතිවිය. වෙනත් සතුන්ගෙන් තර්ජනයක් නැතිවූ තැන නිදහස් චින්තනයට කාලය ඉතිරිවිය. ඉතින් මිනිස් මොලය සංකල්ප මවන යන්ත්‍රයක් විය.

මනස කියන්නෙත් එහෙම හදාගත්තු සංකල්පයක් මිසක් පරිනාමය වූවක් හෝ භෞතික ශරීරයෙන් ඔබ්බේ ඇති දෙයක් වත් නොවේ.

ඔහොම කලක් යනකොට බොරු කතන්දර ගොතන රැකියා අවස්ථා බිහිවිය. ඔවුන් තමන්ගේ රැකියාවට කලේ නැති මනසක් ,නැති දෙයියෙක් ,නැති යක්ෂයෙක් පෙන්නා තමන්ගේ බඩවියත රැක ගැනීමයි, එක්කෝ අනිත් අයව පාලනය කිරීමයි. 

විශේෂ දැනුම



ඉන්ද්‍රියන්ගෙන් නොගත් දැනුම සතුන්ට පිහිටීම තරමක් ගැටලු සහගත දෙයක් ලෙස කාලයක් පැවතුනි. බොහෝ මිනිස්සුන්ට තියන ප්‍රශ්නයක් තමයි කෙනෙක් ඉන්ද්‍රියන්ගෙන් එකතු කරගත් දැනුමට අමතරව තවත් දැනුම ඇතිබව. මේකට එක එක අර්ථකතන දෙනව මිනිස්සු. කට්ටියක් කියනව කලින් ආත්මෙන් ගේන දැනුම/කුසලතා ආදී වශයෙන්. නමුත් නවතම සොයාගැනීම් වලට අනුව දැනුම/ මතකය පරම්පරාවෙන් පරම්පරාවට ගෙනයන බව තහවුරු වී ඇත. ඩී.එන්.ඒ. තුලින් දැනුම ප්‍රචාරනය.

තවත් උදාහරන දෙනවනම් කුඩා ලමයෙක් තනිව දනගාගෙන යාමට මුලුමනින්ම ඉන්ද්‍රියන්ගෙන් ගත් දැනුම උපයෝගී කර නොහනී. සති දෙකක් පමන වයස කුරුලු පැටවෙකු තනිව පියඹා යන්නේ ඉන්ද්‍රියන්ගෙන් ගත් දැනුමෙන් නොවේ.

නමුත් අතීතයේ සිටි මිනිස්සු මේ බව නොදැන හෝ දැන ඉන්ද්‍රියන්ගෙන් නොගන්නා දැනුම පෙර ආත්මයකින් /දෙය්යෙක්ගෙන්/ බ්‍රහ්මයෙක්ගෙන් ආදී වශයෙන් ලැබෙන බවට ප්‍රබන්ධ ගොතමින් සිට ඇත. අදටත් එම කතාන්තර විවිධ ආගම්, කුල, ගෝත වාදීන් විසින් එසේම අදහයි.

දුක සහ දුක්ඛ



බුද්ධ දර්ශනය තුල දුක සැප ආදී ලෞකික දේවල් සඳහා පිලිගැනීමක් නැත. නමුත් අද බුද්ධ ආගම හෝ වෙනයම් ඇදහිල්ලක් කරන උදවිය දුක කියන පිලිගැනීමක සිටී. බුද්ධ දර්ශනයේ පෙන්නා ඇත්තේ දුක්ඛ සත්‍යය වන අතර එය රූප, වේදනා, සංඥා, සංඛාර, විඤ්ඤාන ආදී යම් ලෝක ස්වභාවයක් පැහැදිලි කිරීමක් විනා භෞතිකයේ පවතින්නක් නොවේ.

එහෙනන් දැන් මිනිස්සු කියන දුක මොකද්ද? ඒක තමයි තමන්ට (සම්මුති මම ) පාඩුවක් / අලාභයක් වුන වෙලාවට ඇතිකරගන්නා දෘෂ්ඨිවලය කියන නම.

දුක කියන එක කෙනාට සාපේක්ෂ වෙනව. උදාහරන විදියට පයින් යන එකාට බස් එකේ යන එක සැපක්, කාර් එකේ යන එකාට බස් එකේ යන එක දුකක්. තම තමන් හදා ගත්තු දෘෂ්ඨි.

විඤ්ඤානය නොහොත් සතා යමක් දැනගන්නා ආකාරය පැහැදිලි කිරීමක් දුක්ඛ සත්‍යය නොහොත් රූප, වේදනා, සංඥා, සංඛාර, විඤ්ඤාන වලින් දැක්වේ. නමුත් දුක යනු හදාගත්ත දෘෂ්ඨි වේ. එනම් මුලාවකි.

බුදුන් සහ ආගම

අද දවස වන විට බුදුන්ගේ නම විකුනමින් ආගම් ව්‍යාපාර බොහොමයක් ලොව පුරා පැතිරී ඇත. මේවා බොහොමයක් අද වනවිට මිනිස්සු මුලා කරමින් බුදුන් මෙහෙම කිව්වා, අරම කිව්වා කියමින් තමන්ගේ මතවාදය හෝ කෙනෙක් ලියපු පොතක තියන මතවාදය හෝ සමාජගත කිරීමට කටයුතු කරයි. නමුත් බුදුන් ආගමකට සම්බන්ධ නොවූ සියලු නාම රූප වලින් ඉවත් වූ තැන බව මේ මෝඩයන් දන්නේවත් නැත. ඔවුන් තමන්ගේ ආර්ථික ,සාමාජයික, සන්ස්කෘතික අරමුණු වෙනුවෙන් බුදුන් ආයුධයක් ලෙස භාවිතා කරයි. බුදුන් ආගමකට අයිති නැත.
ආගමේ තැන දෙන්නේ විස්වාසය, අවබෝධය, ඇදැහිල්ල යනාදිය තුලින් දෘෂ්ඨි හදාගෙන ජීවත් වීමටයි. බුදුන් මාර්ගය සියලු දෘෂ්ඨි වලින් ඉවත් වීමටයි (සම්මා දිට්ඨි).


ආගම සහ භය



ආගම් වලින් කරපු දෙයක් තමයි මිනිස්සුන්ට බිය ඇතිකරල ඔවුන්ට යම් යම් ප්‍රතිපදාවන් රකින්න කියාදුන්න එක. මිනිස්සු නිකම්ම දෙයක් නොපිලිගන්නා බව දැනගත් පාලකයන්, පූජකයන් කලේ ආගම සමග බිය පැතිරවීම. ඕනෑම ආගමක් අදහන කෙනෙක් කුමක් හෝ දෙයකට බියවෙලයි ඉන්නෙ. ඔය සෙල්ලම ලොකුවටම කලේ ජෛන ආගමේ. උන් හැදුව නියම බිය උගුලක් "කර්මය" කියල. සමාජයට යහපත් මිනිස්සු බිහිකරන හයපත් ගුනදර්ම වගාකරනව වෙනුවට බිය වැපිරුව නරක වැඩ කරන්න එපා නරක ප්‍රතිඵල දෙනව කියල . බිය නිසා මිනිස්සු වැරදි වැඩ නොකර හිටිහ. තවත් ආගම් වල තියනව මැරිල හොඳ තනක ආපහු ඉපදෙන්නනම් පින් පව් කරන්න ඕන කියලත් තමන්ගේ ආත්මය නැත්තන් පෙරේතයො වෙනව කියල. හැබැයි පොඩි චාන්ස් එකක් දුන්න පෙරේතයෙක් උනත් ආගමික පූජකයො ගෙනල්ල පොඩි වතාවත් ටිකක් කරල , මන්තර/ පිරිත් ටිකක් මතුරල උන්ව හොඳ ආත්මයකට දක්කන්න පුලුවන්ය කියල. හැම තැනම බිය තමයි මුල කරගෙන තියෙන්නෙ. බියට පත්වෙන අහින්සක මිනිස්සු (ආගමික මුලාවට හසුවුන අය ) අනේ දසාතේ නයවෙලා හරි ආගමික පූජකයො පස්සෙ හිහිල්ල තමන්ගෙ ආත්මය සරු කරගන්න වලිකනව එදා ඉඳන් (ජෛ ආගමෙන් පටන් අරන්/ අවු 2900ක් විතර ඉඳන් ). මතක තියාගන්න ඔය ආත්මත කියන්නෙත් ආගමික සංකල්පයක් මිසක් සැබෑවක් නෙවෙයි කියන එක.

ආගම සහ සමාජය




ආගම කියන්නෙ සමාජයේ යහපැවැත්මට මිනිසා / හෝමෝ සේපියන් සේපියන් සතා විසින් නිර්මානය කරගත් දැනුම් එකතුවක්. එම දැනුම තුලුන් අතීතයේ සමාජය පාලනය කලා පූජකයන්, රජවරු,.... තමාගේ සමාජය යහපත් පාලනයක් සඳහා පාලක පැලැන්තිය ආගම ආභරනයක් කරගත්තා. අදටත් ඒක එහෙමයි. හැබැයි ඕය දැනුම් පද්ධති වල තියන බොරු කවදහරි එලිඋනොත් මොකද වෙන්නෙ ? උදාහරනයක් විදියට සමහර ආගම් වල තියනවා පින් පව්. පින් පව් ගිනුම් පවත්වාගෙන යනවා ඔවුන්. පූජකයන් මේවාට අනුබල දෙමින් මිනිස්සුන්ගේ ධනය කඩාවඩා ගන්නව. හැබැයි මේ බොරුව තේරුම් ගන්න හෝමෝ සේපියන් සේපියන් සතා බුද්ධිමත් වුන දවසට මොකද වෙන්නෙ ?
දැනට නම් එක බොරුවක් වහන්න තව බොරු සීයක් විතර කියලා ආගම් වල මුලාව වසන් කරනව ලස්සනට. කලින් කලට වෙනස් කරල පොත් පවා ලියනව. මගේ අදහස පොඩි ලමයට බොරු උගන්නල අමාරුවේ දානව වෙනුවට යහපත් සමාජ ධර්ම කියල දෙන්න ඕන. දැන් ලොකු එවුන් ටික හදන්න කල් මදි. උන් විනාස වෙලා ඉවරයි.

කාලයෙන් තොර වූ විට ඇත්තේ කුමක්ද?



කෙනෙක් දෙයක් ඉන්නවාය තියනවාය කියල කියන්නේ කාලයට සාපේක්ෂව වේ (කාලය කියන්නෙ අපි හදාගත්ට සංකල්පයක්). කාලයට සාපේක්ෂව සියල්ලෙහි පැවැත්ම විස්තර කල හැකි ඇතර , කාලය කාලයටම සාපේක්ෂව ගෙන නව සංකල්ප/රාමු හදාගන්නත් මිනිස් චින්තනයට පුලුවන්. මිනිස් මොලය එතරම් දියුනු විකාර රූප මවන අති සංකීර්ණ වස්තුවක්.

සම්මත වශයෙන් ගත් කල කාලය පවතී. එය සම්මුති සත්‍යයයි. අපි හදාගත් කාලය සම්මුතියයි. භෞතිකයේ පැවැත්මයි.

එසේනම් කාලයෙන් තොර වූ විට ???
1.සම්මුතියෙන් ඉවත් වේ.
2.භෞතිකයෙන් ඉවත් වේ.
3.මමත්වයෙන් ඉවත් වේ.(කෙනා නැත )

එහෙම තැනක් තියනවද???
මේ ලෝකයේනම් නැත. හැබැයි උදාහරනයකින් පෙන්නන්න පුලුවන් එහෙම තැනක්. අපි හිතමු කෙනෙක් ඉන්නව තද නින්දේ ඌට සිහියක් නෑ. හැඟීමක් නෑ. කාලයක් පවතින්නෙ නෑ ඌට සාපේක්ෂව. අන්න කෙනෙකුට කියන්න පුලුවන් අරූට කාලයක් නෑ (ඉන්ද්‍රිය අවදි වී නැති නිසා ), ඌට සාපේක්ෂව ඉහත කරුනු තුන සත්‍ය වෙනවා කියල. ලෝකයේම නෑ කිව්වෙ කාලය නැති කෙනාට සාපේක්ෂවයි. ඔහුට සාපේක්ෂව ලෝකය නැත.


කාලය පිලිගැනීම කවුරු කරන දෙයක්ද???
ඒක කවුරුවත් කරන දෙයක් නෙවෙයි ඒක තමයි මිනිස් මොලයේ ස්වභාවය. මිනිස් මොලය සකස් වී තිබෙන්නේ ඒ ආකාරයට. මේක කෙනෙක් කරන දෙයක් විදියට පිලිගත් පැරනි මානවයා කෙනා/මම/ආත්මය/සිත වටා නොයෙක් සංකල්ප ගොතන ලදී. ඒවා අද දක්වාම ආගම් 4200ක් තරම් වූ සංකල්ප වශයෙන් පවතී.

About Us

මෙහි එන කරුනු සියල්ල කිසිවෙකුට පිලිගැනීමට නොව යමක් දැකීමට පමනි. මෙහි සම්බන්ධ බොහෝ කරුනු ෆේස්බුක් වෙබ් අඩවියේ සංවාදයට ලක් කිරීම සඳහා තැනින් තැන පල කරන ලද අදහස් වේ.
ඕනෑම කෙනෙකුට මෙහි ඇති කරුනු ප්‍රශ්න කල හැකි වන් අතර ඒ සඳහා පහත ෆේස්බුක් ලින්ක් එක භාවිතා කරන්න.
https://www.facebook.com/sinhala.dictionary.3

Advertisment

Like Us

© My Post All rights reserved | Theme Designed by Seo Blogger Templates | Probtemplates